FooQai, sukaldeak optimizatzeko eta elikagaien hondakinak murrizteko AA teknologia garatzen duena, Bostoneko GOe On The Road geldialdian irabazlea

FooQai startupa, sukaldeak optimizatzeko eta elikagaien hondakinak murrizteko adimen artifizialeko teknologia garatzen duenak irabazi du GOe On The Road nazioarteko foodtech ekintzailetza-lehiaketaren bosgarren edizioko hirugarren geldialdia. Lehiaketa GOe – Gastronomy Open Ecosystem ekimenaren barruan antolatua da, eta Eusko Jaurlaritzako Elikadura, Landa Garapen, Nekazaritza eta Arrantza Sailaren eta Hazi Fundazioaren babesa du.

Rich Spada, FooQai startup-eko Chief Customer Officer, proiektuaren aurkezpenaz arduratu denak, eta geldialdi honetako irabazle eta GOe On The Road lehiaketako finalistak, esker ona adierazi du jasotako aitortzagatik.

Roadshow formatuko ekimen ibiltari hau Japoniako hiriburuan hasi zen, eta Boston barrena jarraitzen du, oraingo honetan Cambridge Innovation Center (CIC) enpresarekin lankidetzan. Apirilaren 9an Buenos Airesera joango da. Amaitzeko, Donostian izango da 2026ko maiatzean ospatuko den edizioaren final handia.

Bostongo startup irabazlearen iragarkia Venture Café Cambridge-n ostegunetan ospatzen den Thursday Gathering jardunaldian egindako testuinguruan egin da. Cambridge Innovation Center-en (CIC) programa bat da, ekintzailetza-ekosistemako eragileak konektatzen dituena enpresa-garapenerako oztopoak murrizteko eta hazkundea sustatzeko, aldi berean komunitatea sendotzen duena.

Saioan izan direnek eduki-programa oso bat izan dute eskura, eta, haren bidez, Bostoneko foodtech-ekosistema izan dute aztergai, bai tokikoa, bai globala. 

Saioa Raquel Martínek, GOe – Gastronomy Open Ecosystem-eko Garapen Estrategikoko Arduradunak, emaniko ongietorriarekin eta aurkezpenarekin hasi da. Martínek nabarmendu du jardunaldi hauek elkartzeko, indartzeko eta elkarrekin eraikitzeko helburua dutela, eta parte-hartzaileen arteko lankidetza sustatzen dutela. Ondoren, Alex Cheung, Cambridge-ko Venture Café-ko zuzendariak, azpimarratu du lankidetza berrikuntza eta konektibitate adibide bat dela GOe, CIC-en filosofiarekin guztiz bat datorrena.

Ondoren, Asier Alea, Basque Culinary Centerreko Garapen Globaleko zuzendariak, “GOe: Paving the way towards a delicious future” izeneko hitzaldia aurkeztu du, eta bertan azaldu du nola, mundu osoko berrikuntza-ekosistemak erreferentziatzat hartuta, sortu den GOe. Aleak nabarmendu du espazio bakarra dela, gastronomia, arte eta teknologia uztartzen dituena, eta helburu nagusi bat duela; non makers eta kudeatzaileek elkarrekin lan egiten duten espazioen etorkizuna definitzeko eta sormenari, zientziari eta gastronomiaren kulturari lotutako esperientzia berritzaileak sortzeko.

Jardunaldiak Bostoneko berrikuntza-ekosistemako eragileei buruzko mahai-inguru batekin jarraitu du; Lauren Abda (Branchfoods), Sofi Aguilera (SVG Ventures), Katie Stebbins (Tufts University) eta Erica Licht (Yes Boston) hizlariekin. Mahai ingurua Raquel Martín GOe-Gastronomy Open Ecosystemeko Garapen Estrategikoko arduradunak aurkeztu du. Saioan, Bostoneko berrikuntza-ekosistemen etorkizuneko garapena aztertu dute, baita startups, korporazioak, unibertsitateak eta inbertitzaileak arteko lankidetza nola indartu daitekeen, food‑tech eta nekazaritza jasangarriko joera berrien eragina, eta ekintzaileek oraindik tokian-tokiko eta nazioarteko mailan aurre egin behar dieten erronka nagusiak ere aztertu dituztela.

Eneko Axpe, fisikaria eta GOe-Gastronomy Open Ecosystem-eko kolaboratzailea, “AI in Gastronomy: scientific keynote” izeneko hitzaldia eman du, eta bertan adimen artifizialak gastronomian eta elikadura-industrian duen eragina azaldu du. Hitzaldian, Axpek azaldu du nola IA, bioingeniaritzarekin uztartuta, aukera ematen duen hazien eta labore optimizatuen garapena sustatzeko; nola nekazaritza zehatzeko automatizazioak eta delivery-logistikak eraldatzen dituzten elikagaien ekoizpena eta banaketa; eta nola IA, sukaldariekin elkarlanean, plater eta esperientzia gastronomiko berriak sortzeko atea zabaltzen duen. Bere azalpenek argi utzi dute zientziaren, teknologiaren eta sormenaren konbergentziak gastronomiaren etorkizuna berridazten ari dela, kontsumitzailearentzat soluzio eraginkorrago, jasangarriago eta harrigarriagoak sortuz.

Ekitaldiak sektoreko profil ugari bildu ditu, hala nola ekintzaileak, inbertitzaileak eta nekazaritzako teknologia-sektoreko adituak. Bostonen martxoaren 12an antolaturiko geldialdian parte hartu duten startupek —FooQai, Bluana, Maker’s Edge (Ceti) yAllie Foods— beren proiektuak aurkeztu dituzte adituz osaturiko epaimahai baten aurrean: Asier Alea, Basque Culinary Centerreko garapen globaleko zuzendaria; Raquel Martín, GOe-Gastronomy Open Ecosystemeko Garapen Estrategikoaren arduraduna; Sofi Aguilera (SVG Ventures) eta Katie Stebbins (Tufts University).

On The Roadeko hurrengo geldialdia

Aurtengo edizioaren azken geldialdia Buenos Airesen, apirilaren 9an, ospatuko da. 2026ko finala, azkenik, maiatzaren amaieran egingo da Donostian.

Aurtengo edizioa irabazten duen startupak ikerketa- eta berrikuntza-proiektuak garatu ahal izango ditu 20 orduz GOeTech Center zentro teknologiko gastronomikoan, eta, horretaz gainera, hiru hilabeteko egonaldi bat egin ahal izango du GOe – Gastronomy Open Ecosystem coworkingean.

Bostoneko geldialdian parte hartu duten startupak

FooQai-k adimen artifizialean oinarritutako teknologia garatzen du jatetxeentzat. Bere PlateScan plataformaren bidez, platerak denbora errealean aztertzen ditu, sukaldeei lagunduz plateren aurkezpenaren koherentzia hobetzen, anoen kontrola optimizatzen eta elikagaien kostuen kudeaketa eraginkorragoa egiten. Gainera, informazio praktikoa eskaintzen du elikagai-hondakinak murrizteko eta kalitatea hobetzeko.

Bluana landare-jatorriko elikagaietan oinarritutako foodtech startup bat da, itsas produktuen alternatiba jasangarriak garatzen dituena, hala nola landare-jatorriko sashimia. Proiektuaren helburua ozeanoetako baliabideak babestea da, arrain tradizionalaren testura eta zaporea imitatzen dituzten produktu osasungarri eta naturalak eskainiz.

Maker’s Edge-k  (Ceti) agenteetan oinarritutako adimen artifizial aurreratua aplikatzen du industria-eragiketetan, fabrikazio-prozesuei adimen eskalagarria emateko. Bere plataformak lehendik dauden sistemekin integratzen dira, eta kalitate-kudeaketa, araudia betetzea eta prozesuen automatizazioa barne hartzen ditu.

Allie Foods-ek landare-jatorriko izozki premiumak ekoizten ditu: esneki gabekoak, krematsuak eta azukre gutxiagokoak. Horrela, izozki tradizionalaren alternatiba gozo eta jasangarriagoa eskaintzen du, zaporean eta ingurumen-inpaktuaren murrizketan arreta berezia jarriz.

Aurreko edizioetako startup irabazleak

Effium izan zen laugarren edizioaren irabazlea. Startup hori errendimendu handiko zartaginak diseinatzen espezializatua da, ingeniaritza aeroespazialean inspiratuta.

Hirugarren edizioaren irabazlea Tokioko foodtech–startup bat izan zen: Oissy, adimen artifiziala baliatzen duen teknologian zentratua. Giza dastamena erreproduzitzen duen Leo zapore-sentsoreari esker lortu zuen garaipena: elikagaien zaporeen analisiak, datu analitikoetan oinarritutako aholkularitza eta dastamenari buruzko ikerketa bateratuak egiten ditu. 

Lehiaketaren bigarren edizioan, New Yorkeko Reborn Farms startupa izan zen garaile: elikadura-sistema hiperlokalak eraikitzen jarduten du, kontuan izanik inguru horretan izaniko desabantaila ekonomikoak (arrazak edo klima-ekitateak eraginak).

Danimarkako Dryk  startupak irabazi zuen Culinary Action! On The Road ekimenaren lehen edizioa, osasunarekin eta jasangarritasunarekin duen konpromisoagatik eta landare-proteinatik abiatuta esne-edariak eta edari begano nutritiboak garatzen egindako lanagatik.