BEHATOKI

LABek plataforma digital bat inauguratu du Horeca sektorearen zerbitzura, soluzio teknologiko, joera eta behar berriak zaindu, monitorizatu eta hedatzeko, bai eta gastronomia digitaleko joeren atari bat ere, jendeari irekia.

Ostalaritza-sektoreko profesionalek sarbidea eskatu ahal izango dute LABe-Digital Gastronomy Lab-en orriaren bidez, eta tresna bat izango dute eskura, gastronomia-elikagaien sektorerako eta HORECArako garrantzitsuak diren joeren berri izateko.

Plataforma hori 4.0 industriaren sektorean oinarrituko da nagusiki, gastronomiarako aplikazioak identifikatuz eta tokiko industriarako aukerak azalduz.

Berriak eta joerak ez ezik, industriarekin zerikusia duten eta sektorearentzat garrantzitsuak diren patenteen, ikerketen eta dokumentu zientifikoen izapideak ere kontsultatu ahal izango dira.

Proiektu hau Gipuzkoako Foru Aldundiak finantzatu du, Etorkizuna Eraikizen Gastronomia Digitala estrategiaren barruan.